Obama Cozah Nih ISIS Pawl Hi Syria Ram An Umnak Hmun Tiangin A Naam Hna Lai Maw?

US humhimnak vuanci(Secretary of Defense) Chuck Hagel le U.S ralkap bawizik General Dempsey hna cu kan hnu zarh nili ni ahkhan atulio vawleicung ah duk a summi ralhrang pawl cawlcanghnak ruangah a cang cuahmahmi buaibainak phunkip le US humhimnak kong he aa pehtlaimi thil dangdang kongah fianternak tuah dingin Patagon ah a ummi an thawngfianhnak innkhan ah an van chuak t'i. An tonak dingah rak chiahmi, cabuai he aa hungmi, t'hutdan ah an tawt'awk an chiah lecangka in secretary Hagel nih biatawi chimnak a ngeih hmasa. Hramthoknak bia a chimmi cu minutes panga telawng a sau nain thil tam taktak a kemh khawh.


Ferguson, MO Ah A Cangmi Buaibainak nih A Phozarmi Aa Buaktlaklo Tukmi Nawlngeihnak??

Ferguson, MO ah Mr Michael Brown thihnak in a chuakmi mipi le nawlngeitu karlak buaibainak cu tuni in ni hleithum a si cang. Nain, a dai naisai rih lo. Zalam cungah an lungtlinlonak a langhtermi mipi an khat rih ko. Daihnak a len i ningcang zulh tein thil a kal zau t'han khawhnak dingah tiin Governor Jay Nixon hruaimi Missouri State cozah nih thil phunphun an tuah. Zaan suimilam 12 in zinglei 5 karlak caah curfew order a chuak i order a buarmi cu minung sawm riat renglo bak an tleih cang hna. Sihmanhsehlaw, zeipi aa hlei t'hiamt'hiam lo. A sivangh celhlo ah Coast Guards tiangin a kawh hna nain an buai t'hiamt'hiam ko. Lam cungah duhlonak a langhtertu mipi nih hnahnawhnak phunkip an chuak ter t'hiamt'hiam ko. Tutan buaibainak cu khua fate pakhat ah a cangmi a si ko nain phundang deuhte a si hlei ah alinhsat tuk caah ramkomhpi cozah zongnih an van itlak ve. Eric Holder nih a hruaimi, Federeral Justice Department nih Brown thihnak kong cu chekhlatnak kan tuah ve lai, tiah thawng an thanh ve. Sihmanhsehlaw, cu zong nihcun daihnak thlam a lenter kho hlei lo. Cucaah, President Obama nih Eric Holder cu amah pumpak hrimhrim nih thil sining va zoh dingin tuchun ah Ferguson khua ah a thlak. Asinain, atu caan tiang ahcun daihnak a leng kho t'hiamt'hiam colh hlei lo.

Zeiruangah Dah Obama Nih Iraq Ah Bombs A Thlak??

"ISIS pawl nih hmunhma an laknak Irbil khua kiangkam le Sinjar tlang pang ahcun a herh ning poah in van hriamnam hmang cang dingin kan ralkap pawl sinah nawl ka pek cang hna" tiah President Obama nih innrangpi in tuzarh nili ni ah  biathanhnak a tuah ahkhan mi tampi kan lau.  A ruang cu kan hnuzarh tiang ahkhan Iraq buainak cungah hriamnaam hmangin cun kan itlak lai lo, a rak ti peng caah a si. A biachim a dihin caan sau a rau lo. "US vanlawng nih Sinjar tlangkam le Irbil khuakam hrawnghrangah bombs an thlak thluahmah ko cang" tiah thawngthanhtu media vialte nih an van au colh. Tikah, Innrangpi ah nichiarte ti awkin media riantuantu pawl sinah President hruaimi cozah he aa pehtlaimi cawlcanghnak poahpaoh thawngthanhnak le bialehnak a tuahtu, Whitehouse press secretary, Josh Earnest nih cacawn ninga ni ah thawnglatu sin in a tonmi biahalnak cu an ilo pah dih. "Zeiruangah dah President nih Iraq buaibainak ah ruahlo nawn in hriamnam a hman" ti deuh phunphai rumro khi an si ko.

Chin Idol Debate..

Atulio online Laimi biaruahnak ah a laar bikmi "Chin Idol" kongah ka hmuhning cu ka Facebook ah a tlanglei ah ka langhtermi cahang nakmi bantuk hin ka t'ial i ka hawile tampi nih comments an pek cio. Kan comments vialte cu ka rel t'han tikah ka diriam ngaingai. Cucaah, ka blog ah a ka leng tawntu nih nan rel khawhnak hnga, ka van tar.

A Muimi Gaza

Ramadan(Muslim thla thiang rawlulh caan) a dih ni hi ni sunglawi a si. Ninu a liam i khuamui nih hmunhma a van lakkhin a nuam khun tawn. Gazan pawl cu chungkhar tling tein rawl-ulh ngolnak zanriah sung(iftar) an dumti tawn hna. Lunglawmhnak he an thluachuah an rel i hmailei caan ah ruahchannak an ngeihmi an phai ti tawn. Nain, tukum cu aa dang.

Zaan hi an nuam lo bik! Bombs a tlak tambik caan a si caah! A himmi hmun a um lo. Biakinn zong a him lo. Sizung zong a him hlei lo i Sianginn zong a him t'hiamt'hiam lo. Khawika hmun poah hi Bomb nih a den khawh colh dihmi hmunhma an si dih ko.

Israel-Palestine buainak cungah aa dang ngaimi Laikhal pawl hmuhning cheukhat....

Atulio cu Israel le Palestine an buai tuk lio a si caah kanmah buai in an kongah kan rak buai cio. Israel a uar taktakmi Laimi tampi nih  hi buainak kan cuanhning le tha kan pekning hi kapkhat lei tuk lawngin a si rua, tiah ka ruah caah ka Facebook ah a tanglei cabia tawite hi ka t'ial. Ka ruahning lengin minung tampi nih comment an pek. Comment pawl ka rel tikah zapi sinah langhter awk an tlak ko rua ka ti i ka blog ah ka van tar.

"Israel le Palestine karlak ah remdaihnak a len khawhnak hnga Lai miphun nih kan umnak hmun cio in thlacam ding" timi cu thilt'ha tuk a si. Nain, Israel nih Palestine(Hamas) a tei nak hnga Israel caah thlacam ding, timi tu cu ka cohlang kho lo. A ngaingai ah Israel-Palestine buainak hi Miphun mit in cuanh ahcun Laimi hi Israel kan si lo. Palestine tu kan si deuh!!

Ahodah A Palh??

Fale nunzia cungah a sivangmi nulepa tampi ka theih hna. An mawh hrim lo. Ram thumnak ah khua a sami mino tampi cu kan nunzia le kan sining aa rawkmi a tam tuk. Cawnpiak tuk lemlo buin Laitlang kan rak um lio ah kan rak ngeihmi nunzia dawh tampi cu kan thlau. Nulepa upat kan hmang loh i kanmah siaremning poah in khua kan sa. Fale cheukhat lebang cu nulepa nawlngeih cu van chimlo, midang sinah kan zahpi lehlam hna. "Ka nulepa cu hika ram thil sining ah theihmi zeihmanh an ngei loh le an ruahnak a bi tuk, ningzak khi an si" kan ti.