Responsibility Payment) nih "2014 March thla dih hlan ah Health Insurance a ngei kho ding a si ko nain aa cawk duh lomi poah cu phaisa in dantat ding"
a ti ko nain dantatnak in luatterawk ah aa tlakmi hna cu luatter an si ko.
A tanglei dirhmun ah na um ah cun Health Insurance na cawk lo zong ah dantatnak in na luat lai (Eligibility for Exemption):
- Health Insurance ngei loin khua na saknak caan, thla thum nak tawi lawng a si rih ah cun.
- Health plan na kawl ko nain thlatin pek dingmi man (premium) a niam bik na hmuhmi kha, na chungkhar phaisa lut dihlak (total household income) i 8% nak in a tam deuh a si ah cun.
- Na phaisa lut a tlawm tuk caah kum dih ah Tax File haulo dirhmun na si ah cun.
- Ramchunglei zohtu ministry nih thleidanmi miphun chungtel na si ah cun (Indian le Alaska native miphunfa tete deuh pawl an si i Laimi cu kan itel lo).
- Social Security siseh, Medicare siseh, Health Insurance siseh, itel le cawk a duh lomi biaknak a si tiah cozah nih theihpimi biaknak kha a zummi na si ah cun.
- Thawng a tla liomi na si ah cun.
- US ramleng ah phung ning tein khuasa mi na si ah cun.
A tlanglei bantuk harsatnak (hardship exemption) ton ruang zong ah dantatnak in na luat kho thiamthiam.
- Umnak inn ngei lomi na si ah cun.
- A luancia thla 6 chung ah na inn hlannak in chuah/dawi na si loah na inn kha leiba ah tleih na ton ah cun.
- Ti le mei petu company nih mei le ti man na pek khawh lo ruang ah phihkhanhmi na si ah cun.
- Chungkhar buaibainak ah temtuartu (victim of domestic violence) na si ah cun.
- Nai hrawnghrang ah na chungkhar chung in mithi an um ruang ah a harsami na si ah cun.
- Ti,Mei le thlichia tibantukin sunghzatlaknak a tongmi na si ah cun.
- A luancia thla 6 chung ah "ka leiba ka cham kho lo" tiin court ah aa upmi na si ah cun. (Bankruptcy na file ah cun)
- A luancia thla 24 chung ah naa thlawpnak man aa cham thlu kho rih lomi na si ah cun.
- Na chungkhar chung ah pumtlamtling lomi le tar ngawr na zohkhenhnak ruang ah harsatnak a tongmi a si ah cun.
- Tax Return na file nak ah na cawmmi ah na langhtermi a si ko nain a ngandamnak kong he pehtlaiin a dihmi poahpoah cu midang nih liam seh tiah biaceihzung nih a timi minung kha na sin ah a um nain na cawk piak lo ah cun amah caah dantatnak na liam a hau lai lo. (Nuva aa thenmi le an fale ca deuh ah sermi a si).
- Cozah nih premium pek bawmh dingmi dirhmun ah na um ko nain an in pek lo caah nawlnak na tuahmi kha an in leh rih lo ruang ah na cawk lo bia a si ah cun.
- Affordable Care Act nih a kauhtermi medicaid program kha tinco awk ah aa tlakmi na si ko nain mah kha program a cohlang lomi State ah khua sami na si ah cun.
- Health Insurance ngeimi na si ko nain Affordable Care Act nih a kiahmi ri a tlinh lomi a si caah insurance an petu company nih an in thak piakmi na si ah cun.
"Zeiruang ah Obamacare ka uar?" ah ka langhter cang bang, 2014 caah dantat dingmi hna cu a tlawmte a si ko nain aa cawk lomi cu sizung um sual ah thlawpbul man liam bawmhlo ding a si caah aa cawk khomi poah nih cun kan i cawk ding bak a si tiah ka ruahnak van langhter chap ka duh ko.
zaangfah te in biahal kan duh mi cu obamacare hi a ttha tuk ko nain micheu cu sathah nak ah riankan ttuan hna mah hna hi ta zeitin tuah ah dah a tthat lai? rak la let kho law ka lawm tuk ko hnga
ReplyDeletePa Lian, na sathahnak company nih khan an riantuantu caah health insurance an pekmi a um ka zumh..an pek lo sual tu ah cun Obamacare cawk ve nan hau ko hnga.
ReplyDelete