"Ziah?" ti hmanh! Ka chim rih fawn la loh!
Lai mino catial thiam nih an tuahmi "blogs" cheukhat ah ka leng tawn hna. Si Bawi Mang Lian blog teirialcatialtu le Salai S C A riahbuuk, mysanjang hna ah hin ka caan ka hman bik theo. Catial an thiam. Atulio thil cangmi an dawi khawh tukmi nih ca an rel tuk ti cu a langhter ko. An tialmi poah a ki-kawi tiang in an kawih khawh. Cun, an ral zong a tha. An chim duhmi poah fiangput in an chim ko, aho ralveng loin. Khi ko khi kaa lunghmuih cem tawn.
Kei zong censorship a hua i "Freedom Of Expression" a uar bakmi ka si ve."Freedom Of Expression" cu ka tleihchan tuk ah hin Laica in van leh zong ka siang loh. Leh hmanh khi hei zalning law ka va thiam pek lai ka zum lo. Catlang thoknak i a um lo hmanh ah cafang fami (small letters) lawng tein tial ding cu ka duh lo...hehe...Kaa lungsi loh...Cu tluk cun ka uar... Cucaah, an nawl kaa cawn le blog ka ser ve tawp.
"Mirang an rak fim tuk kan timi hi zeihmanh an rak si hlei lo, an biahal pang tuk le dawh si ko cuh, zei bantuk kong van chim poah ah "zeiruang ah, zeitin dah, zeitik ah, aho nih" an ti colh peng hme cu!!!! Anmah bantukin ka biahal pang ve sehlaw anmah nak in ka theihmi a tam deuh hrim lai," tiah Albany, New York ah High School a kai liomi ka hawipa nih a rak ti. A hman bak! Biahal tam hratmi cu thil an thei deuh ko. Thil pakhat hi tha tein theih khawhnak ding hrimhrim ah hin zohnak le relnak lawng in a za kho lo. Hmuhmi le theihmi cung in a si kho dingmi kenkip ruah chih i mah le mah bia ihal a hau. Cun, theihfian taktak nak ding ah a herhning in zulhdawi le kherhhlai a hau. Van zulhdawi le kherhhlainak ding ah cun bia tampi hal than a hau hoi..Biahal lawngte! Biahal lawngte!!! "Biahalpang Pa" ka ti lawlaw ve uhhhh....
Aw!! Lam dangpi ah ka pial hoi cang khah!!!
Ka lungchuak poah ka tial tawp i ka hei taar ve ko. Zalong taktak in ka tialmi an si caah keimah cu ka diriam dom. Mileng ngeih te ding zong ka rak i ruah tuk lo. Nain, nan rak ka dawt, ka biahal pang nain...Nan van ka vehvet i thazang nan ka pek. Zarhkhat chung ah minung 1500 renglo nih nan ka len..Nan dawtnak ka philh lai lo, "tam deuh in biahal khawh kaa zuam ve lai" tiah upatnak he bia kan kamh hna...
Ka nolh rih ta ko lai, Kaa Lawm Tuk!!!!
No comments:
Post a Comment