Dawtnak hi minung kan nunnak ah a biapi bikmi thil pakhat a si. Kan biaknak zong nih biapi taktak ah a chiah. A hmun zungzalmi thil pathum lak ah a biapi cem bak a si tiah a kan cawnpiak.
Dawtnak phun tampi a um. Feb 14 ah kan sunhlawihmi Dawtnak cu a phun aa dangmi Dawtnak phunkhat a si ve___thi le sa in pehtleihnak a ngei lomi mising le mising bak, thihngamh in itleihchannak Dawtnak phun khi a si.
Valentine's Day ah cu Dawtnak cu a phunphun in langhter a si tawn. Pakhat le pakhat laksawng ipeknak in a langhtertu an tam bik. Dawtnak langhternak ah Sex tuah zong a biapi bak ve a timi zong an tampi.
A nikhua lio a si caah mitpurh-hnarcawih in CNNLiving nih Valentine's Day ah Americans nih Dawtnak an langhterning kanan in an tuakmi ka van ilak ve phawt. Cazin a si ko nain alu le taw zong ka remh lo, ka siaremning poah in ka chiah tawp ko hna.
Cazin chung kan luh hlan ah Dawtnak T'hawnzia tep ta hmasa phawt usih.
.*******************************
224 million___2014 Valentine's Day caah hmanding in cinmi Rose Pangpar zat.
51%____Valentine's Day ah cawk tawnmi Rose Pangpar vialte ah 51% cu a senmi Rose Pangpar asi.
36%___Nu nih V Day Pangpar cawkzat zatuak.
$ 1.6 billion__V Day muthai (Candy) cawknak ah hmanmi phaisa.
$1.9 billion__V Day Pangpar cawknak ah hmanmi phaisa.
$4.4 billion__Sui, Ngun le Diamond cawknak ah hmanmi phaisa.
$18.6 billion__V Day hman dingmi phaisa dihlak tuakdonhmi.
.jpg)
$4.52___ V Day ah Uico ngei pawl nih an Uico pakhat caah an hmanmi phaisa.
$130.97____USA minung pakhat nih 2014 V Day ah buaktlak in an hman lai tiah tuakdawmhmi phaisa
40.7%___ Smartphone hmang in V Day laksawng a cawmi minung zatuak.
29%___V Day kong he aa pehtlaimi text message zatuak.
85%__V Day sunhlawihnak ahcun nupa-nuamhnak(Sex) tuah a biapi bak ko tiah a ruattu minung zatuak.
6 million__V Day ah ihamnak/ihalnak tuahding in ai thimmi minung zat.
145 million___V Day Cards cawkmi zat.
.jpg)
Cazin zoh ah lung a mit menmen....
***************
Kan thinlung nih fak tukin a intuarmi thil khi kan hmurka in chimnak lawng in di a riam tawn lo. Bia nih a tlinh lo caan ah Hla nih a thawnnak in a van khamh tawn. Hi hla te zong hi....
Kan duhzong duhlo zong ah kan umnak hmun le hma aa dang tawn hoi. Umnak hmun ikhah ko bu hmanh ah donkhantu thil tampi ruang ah aa tong kho lomi tampi um a si theo. Lileng in keimah lawng ka si rua tiah kan iruah caan a tlawm cio lai lo. Sihmanhsehawl, Dawtnak in an kan umpitu zong khi hi ni ah philh awk an tha lo..
Happy Valentine's Day.....
Na tialmi cu theihtlei tak si. A donghnak belte "hmun le hma ai dang tawn." na ti le tong lo cheukhat zong an rak um ko ee, an ti na philh sual lai :) :) http://teirialcatialtu.blogspot.no/2014/02/v-caah-valentine.html
ReplyDelete