"Market Place" le a dangdang lam hmang in Obamacare cawknak kong cu tlamtling ngaiin ka tial ko tiah kai ruat nain amah tein aa cawk kho lomi tampi nan um ti ka theih caah ka lungtha lo ngai. Keimah he aa neihniam deuhmi hawikom le chungkhatsahlawh cheukhat cu States dang pipi ah an um nain an aiawh in sawk piak a ka fialmi zong an um len. Kai tawlrel sek nain information an halning hawih in a neh hnu zulh ding tete a um caah States dang ummi caah cun ka tlamtlinh kho ngaingai lo. Cucaah, anmah umnak kiangkap ah a sawknak zung ka kawl piak hna i anmah mipum in an va sawk. Ka tialmi te an relmi thawng in "zeibantuk Plan dah ka thim ah a tha lai" timi bantuk an theih cang tik ah a sawk a fawi ngai ko an ti. Sawk ve na duh i na kiang ah a sawknak zung umnak hmun an theihlo sual a si ahcun mah hika hin hmet law "1.Location" timi na hmuh lai. Mah kha tangte ahkhan na umnak khua le State asiloah na "zip code" tial law nangmah he aa neihnak bik a sawknak zung address an chimh ko lai. Na inn kiangkap zung ahcun nangmah bawmtu ah riantuantu an chiahcia hna caah holh na thiamlo zong ah holhlet an in auh piak lai i fawi tein na sawk khawh lai. Nangmah le na chungkhar caah aa tlak bikmi "Plan" na thim khawhnak hnga "Zeiruang Ah Obamacare ka uar?" hi na lungfian tiang in relta law an bawmtu tha a si men ko lai.
Obamacare(Affordable Care Act) ah aa telmi pakhat cu phaisa lut tlawm tukmi pumpak le innchungkhar kha an ngandamnak aamahkhan man (health insurance monthly premium) pek bawmh a si. Mah cu he aa pehtlai in sifah deuhvakmi caah tiin thil dang pakhat a tuahmi a um than. Cucu, US cozahpi nih sifak tukmi pumpak le innchungkhar caah a ngeih zungzalmi ngandamnak aamahkhan program, Medicaid le Children's Health Insurance Program (CHIP) timi kha a ri a kauh. "USA cozah nih sifahnak tahfung in tah tik ah 133% tang(minung pali innchungkhar caah kum khat ah 29700 hrawnghrang) ah a ummi poahpoah nih cun kumtling riantuan kho an si zong ah Medicaid sawk khawh siseh" ti a si____Mahka hin USA cozahpi nih tukum caah poverty level a tahning cazin cu tlamtling tein a um. Sihmanhsehlaw, mah cu program caah a dih dingmi phaisa cu cozahpi(Federal government) le State cozah pakhat cio nih i cheuhbauh ding a si caah State pakhat cio kha an duh le duhlo thimnak nawl pek an si. Cu tik ah, States cheukhat nih lunglawm tein an cohlan i State cheukhat nih an al. States zeimawzat cu aa fiang kho rih lomi zong an um. "Expanded Medicaid" cohlannak kong he pehtlai in State pakhat cio i an dirhmun cu Hika hin zoh khawh a si.
2013 dih tiang ah States tam-u ahcun a ngandammi kumtling riantuan kho pumpak nih Medicaid sawk khawh a rak si lo. Sihmanhsehlaw, 2014 hnu cun "Expanded Medicaid Program" a cohlangmi States ah khua na sak i na phailut kha 133% poverty line tang a si poahpoah ahcun "Medicaid" na sawk khawh. Obamacare nih a sermi Market Place ah 2014 caah health insurance cawknak caan cu October,2013 in March, 2014 dih tiang lawng a si nain "Expanded Medicaid" tu cu kum thluanchuak sawk khawh a si. Phaisa lut a tlawm ngaimi na si i "Expanded Medicaid" a cohlangmi States ah khua a sami na si ahcun rak sawk zau ding in forhfial kan duh. A sawknak ding hmun na theihlo sual ahcun mah hika hi hmet law na "zip code" kha tial mei ko. Nangmah he aa neih bik ah a ummi, a sawknak zung an chimh colh ko lai.
Laimi kan caah lungrawk ngai a simi cu USA ah Laimi tambik kan umnak States a simi, Indiana, Texas le Georgia hna nih "Expanded Medicaid Program" an cohlang lo. Na umnak State ah "Expanded Medicaid" sawk khawh asi le silo cu mah hika hi hmet law, cahmai a tang bik ah "Get State Information" timi na hmuh lai i a tangte ah na State min na tial lai. Cucun, "Enter" hmanh hmeh hau loin amah tein an piah colh ko lai.
Cozah bawmhnak a tleihchan tukmi, Socialist ah maw rak ka rel sual lai ucih, Laimi kan dirhmun ka zoh ve tik ah thathnemnak a um theo lai tiah ka ruah caah ka tialmi a si. Cun, Capitalism a thawn biknak USA sining zoh tik ah a derthawm tukmi minung cheukhat caah cun "Healthcare Safety Net" hi a herh bakmi a si ko tiah ka zumh ko. A ngaingai tiah vawleicung ah "Rammi vialte nih man liam loin zawtthlawp khawhnak system__Universal Healthcare System" a hmangmi ram pawl hi Healthcare ahcun zohchuntlak ram an si deuh hna si.
Obamacare cu cathiang chungah kan hmuhmi sahrang number,"666" a si tiah source tenau taktak chirhchan in ca a tialtu sin ah biahal ding ka ngei: Na laknak Source kha zumawktlak a si ko tiah na ruah taktak ko maw? Cun, tha tein zohfelnak(Research) tuah lem loin mipi lauternak ding ah tialmi cabia kha fawi tukin a zummi hna sin zong ah pakhat te chim ding ka ngei fawn: "Jesuh khirh cu ka khamhtu le ka bawipa a si" tiah a cohlang i "zungzal nunnak co ding aa ruahchanmi zumtu" ka si ko....!!
Happy Weekend!
Ummm na catialmi dihlak ngot ka rel kho pah ve, arel nuambak,ruahnak mit aau ter leng in, theihcia mi zong afiangchinchin, nanmah le ceupi tialmi cu rel lo ding kairuat kho ve tawn ti lo, tampiin tial i zuam uh,zapi zumhmi si anuam ban tuk in mipi thinlung nan laa kho ngai lai tiah ka ruat,nan catial mi cung ah keimah pumpak zobg kaa lunghmuih ngai,kan uar bak hna,...
ReplyDeleteAmah bel te ,OBAMA care kong ah lunghrinh mi 666 number chirchanh in LAI nih atialmi hi ,lung cu alut ngai ve ko ka ti ve, ka zumh pah ve nak aruang cu,obama care nih an cal le an ban ah chingchiah nakan tuah ve asi bak ah cun, 666 kha cal le ban ah ati ve caah ka zumh khun ve, ,obama care nih vawlei caah thatnak aitinh kolai,nain hlarau hnakhaw in cuanh ah cun el awk atha pah lomi cu ancal le an ban ah chingchiah nak an tuah citcet ah cun sehtan zong cu afimtuk caah minung duhning in alemhna cu ahauh fom i obama care nih athat ning in ai tinh ve ko lai....khah lung um mi hal pah in coment ta ve....ka peh than te lai, kaa pum ta rih lai....
Aa Peng, ka catialmi na rak rel tawn caah kai lawm. Obamacare cu voidang zong ah kan itleih tawnmi "Health Insurance" sawhsawh te khi a si ko. Ban le cal ah chip banh hrim a um lo. Insurance Card te kha pek a si ve ko. US ahcun zeibantuk kan tuahmi hmanh kan "Social Security Number" he cun an pehtleih ter dih ko cu teh..."666" a si tiah a tialmi Lai Media cheukhat pawl nih khin a cawk cu chim lo, a upadi hmaikhat zong an rel ka zum lo...Rel taktak ve hna sehlaw an theih hnga i www.malawivoice.com ti bantuk source tenau taktak nih an chimmi khi mipi sin ah an chuahpi ngam naisai lai lo...
ReplyDeleteNa catial mi a tha kai lawm biatlawmpal hal ding kan nei,obama care i cawk hnu ah khoika us sizung poh ah an rak cohlang in kan i piah kho cang ko la lo maw?
ReplyDeleteAw...riantuannak company nih an pekmi health insurance bantukte a si ko, Zeibantuk Plan dah na cawk timi tu nih zeitluk dah na dihmi a cover lai timi cu a ngeih lai.."Zeiruang ah Obamacare ka Uar?" tiin ka tialmi cabia khi tha tein na rel ahcun na fiang ko lai dah ka ti...
ReplyDelete666 kongkau he pehtlaiin navan kan hrilhfiah lai dingmi kai hngahhlang kohih.an chim atamtuk le aka simhngai cang tuhi.
ReplyDelete