Tutan Ka Innrin Ni

Tuni cu Laikhal holh cun Innrin Ni a si. Zingka tuan nawn tein ka thawh hnu ah rian herh tete ka tuah i chun lai hlan deuh ah kai lim. Cun, Computer in Pumpululh chuih zoh hram ka thok. Kai nuamh tuknak ah rawl hmanh thathi in ka ei lo. Zanlei pali tiang bakte din loin ka zoh___Premier League le Laliga he kaa meh. An idinh caan zong ah "Footyroom" in an chuihciami pawl highlight ka zoh thiamthiam. Aston Villa nih thihngamh in ka tanhmi Chelsea cu kawl 1-0 in an tei hna caah ka lung a rawk ngai. Ka thin zong a hang__referee nih a tlaklo tukmi palhnak ruang ah Willian cu Red Card in a chuah caah.

Mah vial kha pumpululh chuih ka zohnak kong cu si rih phawt seh liau..!!

Ka computer ka chuaktak hlei thiamthiam lo. Thawngpang kenkip rel pah in Youtube in hla phunphun ka ngai. Ka relmi thawngpang cu a chiami rumro an si nain ka ngaihmi hla cu an tha taktak. Cu nihcun phundang piin khua a ka ruah ter. Nitin kan nunnak ah hin thiltha relcawklo kan hmu ko nain thilchia tlawmpalte rumro kha kan i buaipi. Mah cucu zawtnak pakhat a si kan ti khawh. Cu kan zawtnak cu "media" nih caantha(opportunity) ah an hman i kan rel duh dingmi thawngpang chia poahpoah kha mak hngal loin an kan kheih. Tik ah vawlei hi nizan nak in a chia deuhmi ah kan ruah sual tawn. Asinain, khakha a hman lem lo, kanmah vawlei cu a tha deuhmi ah kan serkhawhnak hnga kan kut cungah Pathian nih CAAN an kan pek ko. Cucu, voi tampi cu kan philh sual theo.

Ka hla ngaihmi lei ah van kal cang ning liau...!!!

Ka chim cang kha, Youtube in hla phunphun ka ngai tiah. Caan ka ngeih ngai caah phundang tein ka ngai hramhram. Hla pakhat kha "Original" in ka ngeih hnu ah midang nih an "Cover" mi ka kawl i ka ngaih than. Cun, ka ep chun hna. A satu taktak nak in a sa sawhsawhtu(an nawl a cawngtu) an thiam deuh tiah ka ruahmi an tor. A tampi mi lak ah fungthum in ka van in "share" ve hna hmanh lai___cover mi he cun fungruk mu...hehe... "Copyrights" buar kha tha ka pek duh bia cu si loh hih, a thiam tuk nain zeimaw zeimaw ruang dek ah a laar lomi an tamtukmi le an paam tukmi khi langhter ka duh bia deuh dahawh...

Maroon 5 hla, "Paypone" le Imagine Dragons(Demon) nih an sakmi "Demons" timi hla hi an covered mi he rak ngai chun tuah u...

Atu cu Laihla te bak, Tial Mang nih a phuah i a sakmi te kha, ka innpa pate nih a covered...

Hiti hin nuam ngai in keimah telawng in tutan Innrin Ni cu ka hman ko, a luancia kum 15 lio hrawng ahcun atu bantuk ni hi vate pelnak le tiva kalnak ti bantuk ah ka rak hman tawn....Aw, caan sin ah ka nun!!!!