Tuni hi Iran Kumthar Ni (Nowruz) a si...

Ihkhun cung kai hlan deuh ah innrangpi maivan ka bih ta. Obama nih Iran mipi sin ah "Eid-eh Shoma Mobarak" tiin Kumthar Lawmhnak bia a chimmi video ka hmuh i vikvak in ka on colh. Ka van ngaih cu remnak serding in sawmnak biathlum lawngte!!!!

"Happy New Year, Iran mipi hna  kumthar lawmhnak he nan kut kan tleih hna, kumthar ah nan lam tluang ko seh..." timi biathlum he indirect in a chim taktakmi cu Secretary of State, John Kerry hmangin Iran hruaitu sin ah a chim lengmangmi bia thiamthiam a si ko. Cucu, "vawlei pumpi bia ngai duh loin Nuclear nan sermi hi nan mak lo ahcun chawlehthalnak kan in phihkhar hna lai i ram rocar ah nan i chuah lai, cucu nan tem cangmi a si ko. Sihmanhsehlaw, vawlei pumpi aw nan ngeih i Bomb ah hman khawhmi Nuclear ser nan mak ahcun dawtnak he rian kan tuan ti hna lai. Zeideuh dah atu kumthar ah nan ithim lai" ti a si ko.

"Mi ralchia President a si" tiah a sawitu pawl nihcun an kutdong in an sawh lai i an holhchuah chinchin men ko lai. Nain, kei tu cu mipi duhnak zulin diahnak ser a duh taktaktu President a si tiin a upat tuktu lak ah aa telmi pakhat ka si ve.

A chim lengmang bang, "We Should Always Give Peace A Chance". Vawlei ah daihnak leng ko seh!!!

Note: Persian Kumthar, Nowruz, hi tuzan lawng in ka theih.