Pakhat pa hi biahal a thiam ngai i a hawile pawl kha bia zaza a hal tawn hna. An hmuh pengmi le an theih peng komi zong khi amah nih phun dang tein a van hal tawn hna ahcun an lu an i kheuh len tawn, ti si.
Voikhat cu "ka duale zeiruang ah hme Arkhong nih khin a khuan poah ah a mit aa chinh hnga?" tiah bia a hal hna.A hawile nihcun a phunphun in an leh; "ai biatak tuk caah" a ti na, "a aw sang deuhin chuah aa zuam caah" a ti na, "thang deuh seh ti a duh caah" a ti na. A phunphun in an leh nain "a si lo" a ti viar hna.
"Nangteh zeiruang ah dah aa chinh tiah na ruah?" an van ti ve. "Ai by-heart tuk cang caah mit chinh buin a tongh salammi a si" tiah a leh hna.(No Chum chimmi capo)
Laimi zumtu tampi zong nih hin Christmas le Thawhthan tibantuk pawl hi a by-heart in kan i by-heart tuk hna le an sullam taktak kan ruat tawn lo.(Zahan kan phungchimtu, Van Thuam Cin chimmi).
A ngaingai ahcun Jesuh nih vailam cungah thihnak rak tuar hlah sehlaw sual ngeihthiamnak a um hnga lo. Thawht'hannak hi rak um hlah sehlaw khamhnak hi a rak um hnga lo. Khamhnak le sual ngeihthiamnak hi thihnak le thawhthannak in rak kan pe hlah sehlaw zumtu hi mi vanchia bik kan si hnga. (I Korin 15:13). A sullam ruat bu tein Thawht'han caan sunglawi hi hmang cio hna usih.
Mah hi hla fung hnih nih hin fiang tein kan caah a intuarnak kong an chim caah ka uar dom hna..
No comments:
Post a Comment