Midang nih "na pawcawmnak caah zei rian dah na t'uan" tiah Michael Grab cu an hal tawn. "Lung thonh in ka paw kaa cawm" tiah a leh tawn hna i an i zumh tawn lo. An nih a chuak. Sihmanhsehlaw, a mit in a thonhmi lung a hmutu poahpoah nihcun a pawcawmnak kongah si loin a lungthonh thiamnak cung tuah an khuaruah a har deuh t'han. A bangmi kaw hmang lo bakin hi bantukin lung fa tete cungah lung ngan pipi a thonh khawhmi hi cu khuaruahhar taktak a si ko.
Zeitindah na tuah khawh, an ti tikah "thinsaunak, sehchihnak le teirialnak he vawlei nih a ngeihmi dawhkhawhnak(Gravity Glue) ka hman i a si ko, zeitindah hi bantukin ka thiam ti cu ka thei lo, ka thiam le si ko" a ti. "A caan ahcun lung nih a ka thei, asinain voi tam deuh cu keimah nih ka tei ve ko" tiah a mirh buin a chap.A hmantlak ka tarmi hi na zumh khawh lo ahcun USA Today nih an tlakmi a video hi rak zoh hmanh na zumhlo hmanh ah na khuaruah cu a har ve hrimhrim lai. Michael Grab cu Edmonton, Alberta, Canada ah a chuak i Boulder, Colorado, USA ah a ummi a si. A tuahmi thil cawk a duhmi nihcun mahka amah pumpak website ah hin order khawh a si.
No comments:
Post a Comment