Biaknak A Ngei Lomi Nih Biaknak An Hmunhning Hmangin Biaknak Kong Biaruahnak!

Zalong tein ruahnak le hmuhning chim hi ka tleihchan bikmi pakhat a si. Midang nih thil pakhat khat cungah zalong tein an ruahning le an pomning an chimmi ka hmuh zong ahkhin kaa lawm ngai tawn. Zeibantuk thil le issue a si hmanhah dawhcah tein pumpak hmuhning le ruahnak cio paihter lebang cu ka uar tuk. Cucaah, Social Networks ka hmang taktak! Facebook hi ka phone ah log-in cia in ka chiah peng. Blog ka sernak zong hi issue kenkip ah ka ruahnak le ka hmuhning kha zalong tein chimphuan ka duh caah a si ko.

Biaknak a ngei lomi Richard Dawkins nih biaknak cungah a ruahnak a chimmi kha ka Facebook ah a tanglei bantukin ka tar. Ka tarmi cabia tawite nihcun ka hawile lungthin ah phundang tein rian a t'uan caah a t'ha ngaimi biaruahnak a chuak. Kan biaruahnak cu rel t'ha ah ka ruah caah ka blog a leng tawntu nih nan rak rel cio dingah ka van phozar phawt ve.


Laimi kan sining he cun aa ralkah taktak ko nain atulio vawleicung sining he zohchih ahcun a hman ngaimi hna alo thulh..DD

Without religion, good people would continue to do good and the bad would continue to do evil. But it takes religion to make good people do bad things in the name of their religion – Richard Dawkins

Van ThaKam ThangKawi, Chin mi tampi nih a ruahawk kan thei lo men la a tu na ttial mi hi. Richard Dawkins "The God Delusion" cauk chung ta si maw? Richard Dawkins, Sam Harris, David Silverman, Christopher Hitchens te pawl le adang an um pah rih, cu pawl ca ttialmi na rel tuk sual ahcun "brainwash" an in tuah khawh men Atheist hmanh an si ti loh, Anti-Theist pawl an si. Richard Dawkins hna cu Europe lei mino pawl tampi Khirhfa Biaknaak in a pial tertu hna si. Btw, No one needs religions to live a moral life. We all have our conscience.
October 9 at 4:53pm · Edited · Unlike · 3

Sang Bawi Kawi A, Richard Dawkins le Christopher Hitchens tialmi pawl hi ka rel pah tak ko hna. Rational thinking caah an tha ngai ka hei ti. Zumhnak kong ahcun "brainwash" khawh ding phun ahcun ka hei i ruat lo..hehe.. Ka biakmi Pathian hi ka fiang ngaingai ve.

October 9 at 8:52pm · Edited · Like · 4

Van ThaKam Thang Kawi, overconfidence neih hi ttih nung ngai te Agnostic ah i chuah hmasa i cun Atheist ah i chuah fawi te fawh iai. Pastor a ttuan cangmi hmanh nih an zumhnak an thlah dah kaw. Rational thinking uartuk nak nih Atheist ah mi a chuah ter khawh. A ruang cu, a tu na relmi minung pawl khah Khrihfa background lawng tein a thangmi an si ve ko hna. Christopher Hitchens le bang cu a upa he bia an i elnaak kha na zoh dek maw? Unau koko ah pakhat Pathian lei ttang, pakhat Satan lei ttang bak in anmah unau debate an tuah khah.

October 9 at 5:03pm · Edited · Unlike · 2

Sang Bawi Aii, overconfident cu ka si lai loh aa. Kei cu khirhfa zumhnak le rational thinking hi ai ralmi ah ka ruat hna lo. Christianity foundation cungah ai hngatmi rational thinking hi teh kan chambau tuk lehlam le zumtu kan si nain kan tlum-al lo tuk rua ka ti cu. Kan rational thinking power a der tuk tikah kan chiat'ha thleidan khawhnak thazang a tlawm. Kan chiat'ha thleidannak thazang a der tikah kan zumhnak ah fek tein kan dir kho loh i fawi tukin sualnak ah kan tlu.

Khirhfa ai timi Laimi zaran hi cu ai dawh tukmi kan nunphung le zatlang nun ruangah zangfahnak le thlachiat ruahnak (sympathy) lungthin cu kan ngei nain kan chiatha thleidan khawhnak a der tuk caah theihthiamnak ai telmi zangfah-zawnruahnak (empathy) kan ngeilo tuk rua, ka ti. Cucu kanmah sining, zumhning le kalning thengtheng in a kal lomi minung hawi cungah kan ngeihmi ruahnak nih a langhter lengmang. Kan ithencheo tukmi zong hi kanmah he aa lo lo deuhmi poah kha kan cohlan hna lo hlei ah an sining kha upatnak pek piak loin kan hnawl hna caah a si ko rua dah ka ti. Kei cu zumhnak cungah fek tein a dirmi rational thinking ability a ngeimi minung azatawk kan um tik lawnglawng ah khirhfabuu ithen le community ihuat te hna hi an tlau kho te lai tiah ka ruah.

October 9 at 6:57pm · Like · 4

Van ThaKam Thang Kawi, a tu na comment mi lam cu 100% in ka lungtling. Khrihfa hi rational thinking a nei kholo mi ah an kan ruah tawn le a poi tak ka ti khe. Tahchunhnak ah American Scientist ahhin 5% hrawng lawng hi Evangelical Christian an si ti si. Mah pawl zong cu an pawngkam nih an buut hnawh tuk hna ruangah bia faak in an chim ngam loh. Tuchan American mino lungthin ah hrokhrawl sivai bak an thlahmi cu,"Scientist si na duh ahcun, na biaknak na kal taak hau" timi si. Cu lawng hlah, Dr. Van Ni sin in ka van i chap mi, "Don't relate your faith with your reason" tiah an ti hna i na biaknak kha serious tuk hlah an ti hna. A ruang cu, Biaknaak paohpaoh kha cu "intellectually, rationally" ah "inferior" a si an ti. Chim duh mi cu, mah kha a si nai sai loh. Khrihfa si bu in rational thinking neih khawh a si i, scientist zong ttuan khawh si ko. Na ca relmi he pehtlai in, Richard Dawkins te pawl nih an dirpi mi "Evolution" le Khrihfa pawl an dirpi mi "Intelligent Design" debate pawl khi zoh chih hna hmanh, intellectually le scientifically in dawh Khrihfa nih hin debate an tuah khawh tuk hna cuh. Na status he pehtlai in, "The Bible is unnecessary to know morality, but without the Bible, no one in the world can justify morality. There must be a standard beyond human's standard." tiah mirangca in ka van ttial Thilttha an timi kha zeikhi dah thilttha an ti? timi zong hal khawh si rih. An mah nih a ttha tiah an ruahmi mixeimaw kan caah a rak ttha lo kho men cuh

October 9 at 7:46pm · Unlike · 2

Bawi Mang Lian R. Dawkins chimmi hi atu islamic state le jihadish pawl sining, atu i kawl buddish cheukhat sining a si hme cu, a hman tuk hme teh. Laimi zong cu Pathian min hi a-luai-tung-sar kan tuah ngai ve rua dakaw, violence in si lem lo khin mu. Atu nan i ceihmi hi cu kei ka van phandeuh lo, nain Laimi hi phlosophy tamdeuh in rel cu kan hau ko.

October 9 at 7:57pm · Unlike · 2

Sang Bawi Kannih Laimi khrihfa hi cu rational thinking a ngei lomi kan tam tuk ko rua dah ka ti cu? Thil pakhat khi thuk deuhvakin van hlai poah ahkhin "minung ruahning le Pathian khuakhanning cu van le vawlei in an i dang le aw.."kan ti dop colh...hehe.. Cawnnak sang deuh a ngeimi nih Bible chirhchan in thlarau lei he aa pehtlai tuk lomi vawlei nunnak kong deuh an chim tawn hmanh ahkhin a fimnak in Bible chim a hmang a timi kan um lengmang. A ngaingai ahcun khurkhua ruahnak in chiatha thlei dang kho dingin fawh an kan ser cu! Hei chim duhmi cu rational thinking hmang loin Bible nih cuticun a ti, ti bak kan uar tuk (Bible kha zei ah ka rello si loh awh). Kan chimmi Bible cu le kan nun pi kho naisai fawn lo. Chiatha thleidan khawhnak thazang der tuk bu lebang cun a zulh a har chinchin lehlam cu mu. Kan zumhmi kha kan fian koko ahcun Darwin le evolution theory te hna hi cawn tha tuk an si ka ti. Christianity le Science cu ai kalhmi ah ka ruat bak lo.

Bawi Aa, na chimmi khi dawh R Dawkins bia a hman ngai rua ka ti ve nak cu a si cu...hehe..Philosophy le Sociology lehlam cu tam deuhin rel kan hau bak ka ti ve.

October 9 at 8:07pm · Like · 1

Van ThaKam Thang Bawi Aa, Crusades zong kha an ti hnawh mi si rih. Sinain, a Biaknak le a tuahtu minung kha thleidan a hau. Cuti siah cun, nuclear hi a tthatuk mi sinain a hman nak lo, mithahnak ah kan hman ahcun a sualtuk mi a lo lai. Mah kha, a mah nuclear le a sertu pa sual siloin a hmangtu nih a sertupa tinhlo ningin an hman caah si. "Structure" le "Application" zoh a hau. Biaknak paohpaoh hi a sualmi a um loh nain a hmangtu minung nih kanmah duhning in kan hman caah sual a co. R Dawkins a poinak cu a minung nakin a Biaknaak pi kha a puh cuh. Thilttha an tuah mi vial cu ignore a tuah deih. Khrihfa le Science cu raal bak hlah ee Kawi, Newton te Galileo te pawl Khrihfa hme an si leh cu tiah. Philosophy le sociology cu chim hau loin kan herh lawlaw hme teh.

October 9 at 8:16pm · Unlike · 2

Mang Hram Kung Nan biaruah rel a nuam. Van i al thluahmah ulaw a tha.

Sangbawi van taarmi he i ralkah in, " mithla lo hna zong biaknak le zumhnak nih mi tha ah a thlen khawh hna," ti ve ding a si. Cucacun, hi catlang te hi cu Biaknak namneh duh tuk deuh a si tiin ka ruah.

Nan i ceihmi hi tampi ka van i tel kho la loh. Nain, a fekmi zumhnak taktak ngeih khawhnak ahcun atheist pawl ruahnak le ca hi rak rel le theih ve hrimhrim ding a si, ka ti. A hlei in Kawi Van bantuk (Bible a kaimi, hmailei i pastor a kan ttuanpiak tu ding) nih cun thukpi in na kan purhpiak ding a si. Culoahcun, challenge nan ton sual ah vavatum a fawi. (Dawkins tepawl ca cu brainwashed nak a si na timi he pehtlai khan)

Cun, zumhnak fek taktak ngeihnak dingah hin Agnostic zong i ican ta hi a phung a si ko, hiti um hi khuaruah a si, tiin ka ruah.
Khi hnu i zumhnak ifian khi fian taktak zong a si lai dah ka ti.

October 9 at 9:28pm · Edited · Unlike · 2

Michael Cung Hup Rational thinking caah nan relmi cauk hmanh thluaktawlnak phun ah nan ruah ahcun biaknak cauk pawl hi teh, hmuhsak awk a tha lomi zumhnak kong a hei si rih cu mu, a zum ve lomi nih zei tin dek an hei ruah ve hnga. Liami kan sining he aa ralkah taktak ko na timi zong hi nai velhui bia deuh si dawh si Biaknak min in thah le nawn ngaingai cu kan hmang lo nain thleidan thlanglamhnak cu a tam ngaingai ko hi mu. Cun christianity le science hi ai kalh lo nan timi hi kalhter lo khawh a si ko hnga nain Bilble le science hi teh zeitin nan ruah. Laimi lakah Richard Dawkins bantuk hi kan herh tuk ti in ka ruah ko hih kei cu.

October 9 at 9:42pm · Edited · Unlike · 2

Van ThaKam Thang Kung: Pa U, critical thinking hi neih paoh cu a ttha. Biaknak Agnostic can sual ahcun Atheist lanhbeh nak lam hi zumtu dirhmun i kirtthan ding nak cu a tam deuh rua ka ti. @Michael, thluak ttawl phun ruah si loin thluak an ttawl mi hi an tamtuk cang bia khi si. Na Biaknaak kong ah "blind faith" na si ahcun zeiti ttha, nain keicu Khrihfa biaknaak hi "reasonable faith" a si ko ka ti ko hih

October 9 at 9:48pm · Unlike · 5

Michael Cung Hup Kawi Van, thluaktawl na timi hi ka fiang lo. Atheist pawi hi khrihfa bantuk in pastor, missionary, evangelist le hngakchia church school tibakuk cu an nei rua lo ka ti. Mizei khi dah thluak ai tawl deuh hnga mu.

October 9 at 10:01pm · Edited · Unlike · 1

Van ThaKam Thang @Michael, na chim mi hi a hmaan. Thluak ttawl ka ti duhbik mi cu, Biaknaak paoh kha "evil" ah an canter i "secularism" kha mipi sinah, a hleikhun in University kaimi pawl ko hi a tuh in an tuh hna, a fawinak bik cun "God is not Dead" timi movie kha na zoh ahcun ka chim duhmi na fiang ngai lai dah ka ti. "Brainwash" kai fian ning cu thilttha a thei cangmi pakhat kha cawnpiak i kha thilttha tiah a ruahmi kha thil tthalo i hmuh ter i cuhnuah a chimtu nih a mah "ruahnak" kha a pomter mi kha ka ti duhbik mi si. "Khrihfa Biaknaak cu a dik i Pathian a um loh timi cu a dik lomi lihbaral bak a si ka ti duhnak"

October 9 at 10:18pm · Edited · Unlike · 4

Roland Biak Nun Awi Kawi Van ThaKam Thang, na bialehnak pawl le na ruahmi/zumhning hi uar an um ngai2. Nan biaruahmi rel an nuam ngai2.

October 9 at 10:26pm · Unlike · 4

NB Lian Saya Van, tulio Lai Idol judges pawl holh cun "na ti tha ngai si hi. A lawm om ka ti, kan in ngaisang fawn"

October 9 at 10:51pm · Edited · Unlike · 2

Michael Cung Hup Kawi Van, na bialehnak ttha ngai. A dik, dik lo na timi hi na hngalhmi cu a si lai lo na zumhmi tu a si hnga. Na hngalh lomi thil hihi a sibak tiah midang va cawn piak kha zei he dah ai lawh hnga. Richard Dawkins nih a timi cu Pathian um le um lo cu ka hngalh khawhmi a si lo, nain um dawh in ka ruat lo a ti. A khuaruahmi kha a chim. Cu te cu ka upatnak a si. Vanram in lemsoi le hellmei in tthihpheih zong a um lo hnek zong a um lo, khuaruahter tu a si.October 9 at 11:00pm · Unlike · 1

 Van ThaKam Thang Khrihfa nun hi hell ram tlaaknak in luatnak ding tiang lawng a ruatmi kan si ahcun kan thlarau hnuk lawng a ding rih tinak si hnga. Richard Dawkins hi advocate na van tuahpah mi a lo rua ka ti Ca ttial cu a thiam i biachim zong a thiam ve rengreng. "It takes more faith to believes in there is no God than to believe in there is a transcendent God". A ruahnak na van chimpiak mi ahcun a ttha ngaimi lo nain a cauk tlangpi in "delusion" tiah a timi khan dawh a ruahnak tamtuk a langh cang ka ti cuh kei. A duh ning paoh in a ruah khawh ve ko ee. A hmaan bak ka timi kha cu pumpaak in Pathian he kan i ton ning in ka chimmi a si pinah intellectual arguments a ttha taktak mi pa 5 ka theih mi te zong in si pah Cun, "reasonable faith" a si ka ti kha awh.

October 9 at 11:27pm · Unlike · 6

Biak Hlawnceu Nan biaruahmi a rel nuam lawlaw!!

Sang Bawi a van tarmi hi a tulio vawlei cung sining he cun a hman bakmi si ko. Nain, Pa U nih a chim bang hihi cu biaknak a uar lo tukmi nih biaknak namnehnak ah an tialmi a si tiah ka ruah ve.
Ziah tiah cun vawlei cung biaknak chuekhat (Khrihfa, Muslim, Buddhism, Confusianism,...tbk) pawl cawnpiaknak hna hi a dih lak cun kan thei kho la lo nain thiltha tuah deuh kha an i cawnpiakmi asi ve ko. Cucaah, a biaknak min put bakin thil tha lo a tuah ngammi hi cu a biaknak cawnpiaknak silo a biaknak muru kha tha tein a hngal lomi siloah a leng pavuan sawhsawh lawng in biaknak ai tlaihmi an si tiah ka ruah.Yesterday at 3:02am · Unlike · 2