"April Fools' Day" timi aa thokning kong hi vunrang pawl nih phun tampi in an chim. Ram khat le ram khat nih an chimning aa dang cio. Peng khat le peng khat hmanh nih an pomning aa khat ve lo, ti a si___Laimi he kan ilo ngai. Khirhfa hmasa pawl karlak ko nih hin an biaknak tuanbia he aa pehtlaimi ah an ruah caah an rak i al huam ngaingai, ti a si. A cheukhat nih an pomning ahcun buanchukcho a dihka i ti a reu dih hlan ah "ti a reu(kaang) dih cang theu lai" tiin Noah nih lawng chungin t'huro a tlahchun Ni kha April nikhatnak Ni a si caah mah kha Ni kha cuankhan in aa thokmi a si, an ti. A cheukhat nih "April Fools' Day" thamtham cu Jesuh khirh chuah hnu pi in teh aa thokmi a si ko cu an ti ve. Jesuh khirh kha Rom cozah nawl ngeitu bawi hna nih a sualnak kawl ding in pakhat le pakhat an rak i kua leklek. Chuk le cho ah an rak thui len. Tikah, ruahchannak nganpi he Messiah a hngakmi Judah mi hna nih "Israel siangpahrang aa timi cu khikhi a si ko khih, mihlenthiam pa" ti bantukin vailamcung ah thah a si lai, March thla dih lai le April thla thokka hrawng ah neeknak in biazaza an rak thleihnak in aa thokmi a si, an ti ve. Sihmanhsehlaw, cu zong cu mi tampi nih an cohlang thiamthiam lo. Mi tlawmpal tete cio nih "April Fools' Day" aa thoknak tuanbia cu an chim ciomi tampi a um rih..
Mi tambik nih "April Fools' Day" aa thoknak kong ah an cohlan bikmi tuanbia cu France ram ah Gregorian Calendar hmannak in aa thokmi a si, ti hi a si. Europe hrawng ah kum tampi chung an rak hmanmi Julian Calendar, March thla dih ah kum a dongmi Calendar cu AD 1582 kum ah December thla dih ah kum aa thlengmi,Gregorian Calendar in rak hlen hram an rak thok. Mak cu Gregorian Calendar a hmang hmasa bikmi miphun cu French an rak si. French lak zong ahcun midang nih an cohlanmi kha lungtlin pi duh loin Julian Calendar a hmang i April Ni khat ah "Kum Thar Lawmhnak Puai" a tuahmi an rak um ve. Khuate lei deuh ah khua a rak sami cheukhat nihcun khuapi lei khuasa mifim le mirum deuh nih Gregorian Calendar an rak hman hrimhrim kha an rak thei kho colh ve fawn lo. Cu tikah, Gregorian Calendar ah aa t'hialmi mi tam deuh nih khan Julian Calendar a hmang i April nikhat ah Kum Thar a tuahmi hna kha dehcawhnak ah an rak hman hna nakin aa thokmi a si.
Zeitiset in dah aa thokning a rak si timi cu theih taktak a um lo nain nihin ni ah vawleicung mi tampi nih kan hmanmi Ni pakhat a si ko___Zei ram hmanh nih cozah zungkhar Ni ahcun an ser lo.
Tukum zong cu kum dang tawn bantukin hmun kenkip ah "April Fools' Day" ahcun pakhat le pakhat i dehcawh cio a si thiamthiam. Fak piin aa hlengmi zong an tampi lai i biahman zong "April First" a si ai tiin a zum lomi tampi kan um ko lai. Grand Rapids, Machigan ah a ummi Aquinas College sianghnakchia nih an saya pa an dehcawhning hi tukum nana ahcun a mak bik dehcawhnak a si men lai. "April Fools' Day" tuanbia hmanh ah mah hi nakin a mak deuhmi cu a har kho men.
Mr.Stephen Borrows cu Aquinas College ah associate professor a tuanmi a si i ca cawnnak khan chung ah phone tongh a hua ngaingaimi a si. A ca chimhnak khan chung ah sianghngakchia nih phone he pehtlai in zulh dingah a sermi phung cu "ca cawn lio ah na phone na thah lo i a rin sual a si ahcun zapi theih in speaker na on lai i na chawnh lai" ti a si. Mah cucu a sianghngakchia pawl nih an hnatla lo ngaingai. Tikah, tutan "April Fools' Day" ah a cell phone policy cu a sianghngakchia hna nih dehcawhnak in thil sining he aa tlaklo tuk zia an langhter.
Rel chih te:Chan Kan Dawi Kho Ngai Ko Rua.....
A lung a fim put le "Sorry, mah hi cu kan thlen bak!" a ti ko hih. Rak Zoh ve hmanh uh...
No comments:
Post a Comment