Health Insurance ngeihlo zong ah danthatnak in a luatmi minung hna

"Zeiruang ah Obamacare ka uar?" timi tlangtar in Affordable Care Act kong ka tialmi ah Health Insurance a caw lomi dantatnak ding kong he pehtlai in biahalnak a um caah van fianter ka duh. Individual Mandate (The Individual shared
 Responsibility Payment) nih "2014 March thla dih hlan ah Health Insurance a ngei kho ding a si ko nain aa cawk duh lomi poah cu phaisa in dantat ding"

Zeiruang ah Obamacare ka uar??

Hmundang kal a hau lo. Mit tha fak in khuadang hawi len le ca phunphun rel len zong a hau lo. Obamacare chiatnak kong theih na duh ah cun atulio US congress hruaitu republican party official maivan ah voikhat tein leng law, naa chinchiah cawk leng in na hmuh ko lai. Naa lungsi deuh rih lo sual ah cun Obamacare hloh duh ruang bak ah Tea Party timi,

Polio zawtnak a um lo nak vawlei kan phan deng...

January 13,2014 cu India ram caah philh awk a tha lomi lawmhnak ni sunglawi a si. Vawleicung nih lawmhpi mi tuanbia dawh an tial. Kum khat ah 27 million renglo hngakchia an chuahnak India ram ah kum thum pehtlai in Polio zawtnak in a zawmi mithar an um ti lo. A tawinak in chim ah cun, international standard in India nih Polio zawtnak an tei ni a si.

Kaa Lawm Tuk!!!

Kaa nuam tuk. Cun, kaa lawm tuk fawn. Ka nolh than rih lai, kaa lawm taktak!!!

"Ziah?" ti hmanh! Ka chim rih fawn la loh!

Chan Kan Dawi Kho Ngai Ve Ko Rua

Kumhlun a liam. Kumthar aa thok. Voidang tawn bang, a luancia kumkhat chung tuahsernak le thil sining vialte, hnulei her in van cuah hnu ah a ralaimi thla 12 chung timhtuahnak caah hngawng dawh in khua hei cuah cio a si___tuah dingmi le hrial dingmi, ttumh dingmi le chap dingmi, remh dingmi le maak dingmi etc lists pawl nih lungthin ah khat thup in hmunhma an van la. Ka thluak zong, kumthar don zaan le kumthar chun hna cu vodang nak in ai manh lo ngai ve. Hnulei her in khua a cuanh chel, hmailei ah dingthlir in ka hngawng a dawh chel. Zeidang hlei a hmu lo;tuah dingmi le tuahlo dingmi list pawl nih an phenh ngai le.

Vawleicung buu phunkip le upatmi pumpak kenkip nih

Kan Tthitumh Puai Tuahdan Hi.....????

Zaan khat cu kai manh ngai caah patung a si cangmi ka hawipa, Kawi Van ka va leng i bia kan i ruah. A phunphun kong kan ceih____Laitlang ah taksa in a dam lomi a nu kong in USA ah mirangholh thiam bak loin nifatin khuasak a buaithlaknak kong tiang khi kan cem viar. Kan caan tambik a latu taktak cu nu kong theo a si ko. Nungak kong lawng a si lo, an nu kong tampi aa tel. Nupi thit puai tuah kong zong aa tel fawn. Thitumh puai kong ko ah hin caan sau bik kan rau___a puai tuah lio kong tampi ka hal hlei ah Laimi nih mo puai kan tuahdan cung ah ka hmuhning tamlak te ka chim ve (nupi a thi bal i a theihngal ngai bang khin).

Mo puai kong kan ceih aa thoknak taktak cu kan bia lak pi ah "nupi na thi deng cang la lo maw?" tiah a ka hal caah a si.

Credit Kong Fianternak

Ka Facebook news feed ah Bank Of America nih biahalnak an van thlak. “Atu leklek in na credit score na checkmi nih na credit score a chiatter maw?” tiah cartoonhmantlak he an van ka hal. Ka lehmi a palh le hman kha an caah a biapi lo: An i tinhmi cu “Credit Score” sining kong cawnpiak kha a si ko caah—a phi zoh khawhnak ding link zong an van taar chih. Nan ton bal cio ko lai: Facebook ah Bankasiloah Financial Institution pakhat khat nih an tuahmi cahmai kha “Liked” nan pek bal poahpoah ah cun.

Fimthiam Cawnnak Thazang Pe Hna Usih!

“American nih 21st century ah vawleipi hruaitu si kan duh tak ko ah cun, US minung vialte a tha bik fimcawnnak pekding nak in a biapi deuhmi zeihmanh a um lo__sianginn an thokni thawk in riantuan an awt tiang”. (President Obama)

Vawleicung khuacaan hman ti lo nak ruang ah a chuakmi harsatnak phunkip , uknak tha lo le hruaitu sualmi nih an ukmi ram hna nih an chuah pimi hnahnawh buaibainak tibantuk  lawng hi vawlei pumpi nih thinphan dingmi buaibainak le harsatnak an si lo.Vawlei pumpi ah le abik in USA ah a cangmi thil sining pi cu chanthar vawlei harnak phunkip chuahpi tu thil ngan bik pakhat a si ve tiah mifim cheukhat nih an ruah. Cucu “angei le ngeilo karlak ah angan tukmi ithlaunak/iruallonak (an extremely wide gap between the haves and the have-nots)” a si. 

Economic in Noble prize a hmu i atulio vawleicung economists ah upat bikmi pakhat a simi,Columbia University ah professor a tuanmi Joseph Stiglith nih “ 1% thawng in,1% nih, 1% caah  (of the 1%, by the 1%, for the 1%) timi tlangtar in Vanity Fair ah capar a tialmi ah le “ iruallonak/ithlaunak hman: Zeitindah aa cheuhmal tukmi tuchun kan sining nih hmailei kan sithatnak a hrawh (The Price of Inequality:How Today’s Divided Society Endangers Our Future)” timi cauk ah “a lam kip in US a hrawktu bik cu mah hi itlau/iruallo tuknak hi a si” a ti. “US ramchung milu rel dihlak chung in a rum bik zatuak 1% lawng nih US ram ngeihchiah chawva dihlak fonh i zatuak 25% dengmang an ngeih, cu nak in a poi deuhmi cu hibantuk in a rum nih rum chinnak tilet hi kumkhat hnu kum khat in a thang, kan cawlehthelnak (economy) a thanning ret le mirum nih an ngeihchiah a thanning ret ai kawngkawh lo tuk caah sifakmi nih an sifah ning afak chin lengmang” tiah professer stiglitz nih a tial. “Rumnak nih thazang/thilti khawhnak (power) aa ken chih caah sifak cu akiken ah hnawn peng an si ko” tiah a chap. Pakhat le pakhat kan rumning akan danter tu bik cu kan riantuanmi a si. Hi bantukin kan rian cio in hmuhmi nihlawh athlau tuknak cu kan fimthiamnak aa niamsaan tuk caah a si. Cucaah "kan fimthiamnak cawnning kan remh hrimhrim a herh" tiah Staglitz nih a capar le cauk atlang akawm.

Vawleicung ram thawngtha bik a simi USA ah khua asa mi Chin miphun kan caah teh zeidah a biapi bik? “Rian” a si ko! Duhdim in nun khawhnak ding caah cun rian sawhsawh hmanh in aza lo, rian pipa/rian tha deuh tuan a hau. “Rian Pipa/ Rian Tha” asiloah nihlawh tampi hmuhnak rian cu zeibantuk rian dah an si? Thazang thawngmi le ngandammi  mi sawhsawh nih tuan khawh lomi, fimthiamnak deuh chirhchan in tuanmi rian pawl an si. US Education Department le Labor Department nih 2011 ah hlathlainak an tuahmi ah “High School adihmi nih mi sawhsawh nak in alet in rianhmuh an ifawih deuh, B.A/B.Sc nih alet in an ifawih chinchin…an hmuhmi nihlawh tlawmtam zong buaktalk in van tuak ah alet bak in an idang ko” an ti. Cucaah kannih Chin miphun zong nih riantuan sawhsawh lawng si loin rian tha deuh kan hmuh khawhnak ding ah cun fimthiamnak cawnnak ah thazang kan chuah deuh a hau. Mino hna nih kan sining dihlak chuah in teimak tein fimnak kan cawn a herh bantuk in nu le pa zong nih fale fimcawnnak ah thazang kan pek hna a herh hringhran. Tlai deuh awk kan tha ti lo!

UNDP cazin ah Laimi cu  vawleicung ah a sifak bikmi ram pakhat a simi kawlram ah a sifak bikmi miphun kan si. “Kawlram chung miphun dang nak in fak tuk in kan sifah deuhnak cu kan ram in thilmansung chuak kan ngeih lo ruang lawng ah a si lo, rian kan tuan lo tuk ruang tu ah a si deuh” tiah Laimi in chawlehthalnak lei ah min ngei bik pakhat a simi Sui Hingz nih CACC nih an tuahmi seminar ah cahluan a chauhpi. “Singapore, South Korea le Hong Kong tepawl ah cun minung 100 ah minung 2 lawng nih rian an tuan lo, US ah minung 100 ah minung 7 hrawng nih riantuan loin an um caah an cozah an thin a phang tuk, cu lio ah kannih Laimi cu minung 100 ah minung 70 hrawng nih caantling in rian kan tuan lo” tiah a chimchap. Mi cheukhat nih cun Laitlang ah cun tuan dingmi rian ngaingai teh a um lo cu kan ti men lai. Sihmanh sehlaw, vawleicung ah tuanmi rian tam-u hi amak tein a chuakmi rian an si lo, minung nih sermi rian an si hna. Rian ser khawhnak ding caah cun zeidah a herh bik? Cawva a si lo,fimnak a si. Cucaah Pathian pekmi kan ram te hawi ramdang vanhngai loin duhdim lennak ram a si ve khawhnak ding ah cun Laimi nih fimthiamnak phunkip kan cawn i kan sersiam a herh.

“Hruhman cawi cawk lo, fimman ei cawk lo” timi kan Lai phungtluk hi voidang nak in atu kan chan “Information Age” ko ah hin  ahman bik ko rua.....

Snapchat: Vawleicung a laar bikmi “App” maw, a lotlau colh dingmi US$3 billion man serthiamnak dah?

“Menlo Park, kan headquarter ah rak ra law bia kan iruah lai, pakhat le pakhat tha deuh in itheihngal sih ti ka duh ko,” tiah vawleicung mino lak ah a rum bik pakhat, Facebook founder le CEO, Mark Zuckerberg nih kum 23 lawng a simi, Evan Spiegal cu aluancai thla hlei-thum lio ah e-mail a kuat. “Ka zohcho zungzalmi nangmah he biaruah cu ka duh tuk ko nain na duh ah cun nangmah van ra ko…,” tiphun deuh khi Los Angeles pate bialehnak si dawh a lo___Mark Zuckerberg nih Los Angeles apartment pakhat ah a thli tein tonnak ding a timhtuah than.